Suliffeqarfik
Suliffeqarfik ilusilersuinermik suliaqartoq atuakkanik naqiterinerit atuartitsissutillu
iluini ilusissanik, ilusilersuinermik siammarterinermik ilioqqaanermillu suliassat
isumaginnittarpoq – tamakkulu saniatigut nittartakkat ilusiisa iluini takussaasumik
ilusiliinerit nutarterinerillu, pilerisaarutit/paasisitsiniutit aamma suliffeqarfinnik
ilisarnaasersuineq.
Tita suliassanik, assiliinikkut aaqqiissutinik imaqartunik iluaqarsinnaavoq –
taamattaaq assiliartanik titartaanikkut naammassisassanik. Tita avataaneersunik
suleqateqarluni naammassisassanik suliaqartarpoq – soorlu naqiteriviit, nutserisut,
oqaasertalersuisartut program-inillu suliarinnittartut.
Suleriaatsit isumassarsiallu
Tita pitsaassusermik qaffasissumik neqerooruteqarsinnaavoq, kiisalu sullitap
qanimut suleqatigineratigut teknikkikkut qularnaassuseq ilusilersuinerlu
allanngorartoq. Suliakkiisup ilusilersuisullu akornanni toqqaannartumik
attaveqarnikkut suliassamik namminersorluni kiisalu eqqortumik ilusiliineqarluni
iluarsiineqarsinnaavoq.
Tamakku angussagaanni, suleriaaseq, pingaartumik pilerisaarinerup /
paasissutissiinerup kiisalu paasinarsaanerup iluini imaassaaq, ”nioqqutissamut”
neqerooruteqarfigisassanut ”tuniniagassaq” pillugu paasiniaanernik misiligutitullu
siunnersuutinik suliarinninnissamik neqerooruteqartoqarsinnaalluni,
taamaaliornikkut sullitaq Tita’p sulisuinut pituttorsimanissamut
pisussaaffilinngikkaluarlugu – suliffeqarfiup siunnersuusiorluni piffissamik
atuisimanera eqqaassanngikkaanni. Suleriaaseq tamanna manna tikillugu
iluarisimaarneqartarpoq, taamaaliornikkut sullitaq malinnaasinnaagami,
peqataasinnaagami kiisalu sullitap sunik ”pisiaqassanerluni”
qulakkeersinnaagamiuk. Sullissineq taamaattoq iluarsiinissamullu najoqqutassaq
ukiut kingulliit 10-t ingerlanerini Tita’p sullitarisaanit sullitarisimasaanillu
tamangajannit iluatsilluartumik akuerinnittumik isummerfigineqartarsimavoq.
Pingaaruteqarpoq sullinneqarsinnaasut Tita’p attaveqarfiginnginnerani
iluarsiissutinik naammasseriikkanik tunniussisannginnissaat – qulaani suleriaaseq
nassuiarneqartoq aqqutigalugu Tita iluarsiissutissanik neqerooruteqarsinnaammat.
Tuniniaaffigisassat
Qulaani taaneqartut aqqutigalugit Tita pisortat suliffeqarfiinut namminersorlutillu
suliffeqarfiutilinnut suliassatigut iluarsiissutinik neqerooruteqarsinnaavoq.